Dankie aan Marius Shepherd vir onderstaande stukkie vermaak.

Kyk hoe trap ek op ‘n paar tone:

Daar is twee maters hierbo in Pietersburg met ‘n besondere persoonlikheidsafwyking.

Alhoewel, ek hoor dis glad nie seldsaam hierbo in die ou Transvaal nie. Ons outjies affie Kaap is maar net heelwat meer laid back, en minder aggressief en klaarblyklik minder passievol as ons eweknieë in Paul Kruger se land.

Want sien, die twee maters van my is lekker ouens. Rêrig. Hulle kuier lekker, hulle gesels lekker, hulle deel lekker en hulle grap lekker. Ek laaik hulle. Die meeste mense laaik hulle.

Probleem is net, hul lekkergeit is beperk tot die tye wat hulle single is. En ek sê dit met die grootste respek en besorgdheid. Want ek bedoel nie hulle is nie lekker as hulle gevat is nie, ek bedoel net hulle verdwyn van die aardbol af.

Ons outjies affie Kaap is gewoond daaraan dat jy en jou vriende en jou meisie/verloofde/vrou almal lekker pêlle is. Ons is gewoond daaraan dat al die manne met al hulle ‘goosse’ lekker braai en tjol praat en musiek luister en watookal.

Maar nie hier nie.

Klaarblyklik werk dit so dat as ‘n Transvaler ‘n meisie het, sy soos ‘n fokken sakkie weed in die kamer weggesteek moet word. Niemand mag haar sien nie, en sy mag niemand sien nie. En aangesien jy aan haar vasgenaai (pardon the pun) word by die heup, kan jy ook niemand sien nie, want julle moet in die kamer lê heel dag en nag.

Nou ons outjies affie Kaap verstaan dat die ding lekker is. In fact, ek dink ons het die ding eerste uitgevind, vra maar vir Jan van Riebeek en Harry die Strandloper se dogters, maar ons verstaan nie dat dit 24 uur van jou verstand moet opneem nie. Behalwe as jy 14 is en een van die Standerd 8 girls het oopbene op die speelgrond gesit pouse. Maar ons outjies affie Kaap kan opstaan in die oggend, werk toe gaan heel dag, saam met jou girl en pelle braai of uiteet en fliek, en nog steeds terugkom huis toe en die kat knyp, as dit dan nou moet, voor 4 of 5 ure se salige slaap voor more.

Ek wonder maar net.

Nie dat ek dink ek is beter as die Transvalers nie, inteendeel, ek bewonder hul vermoë om rugby te kan speel en engels te praat met ‘n spesiale aksent en vleis te braai op brikette en vis te vang in vars water en om ‘n swart taal te kan praat en ek bewonder hoe hulle met sulke groot, onskuldige oë kan opkyk na Pretoria en dink dis die kiefste plek op aarde en dat hulle so ongelooflik onbeskryflik horny kan wees die heel fokken tyd.

Nee, ek dink nie ek is beter as hulle nie, ek wonder maar net hoekom sulke goeie ouens so skaars kan wees as fêns soos ek wonder hoe sulke sterk Afrikaners so maklik hulle testikels in ‘n fles laat sit.