Die baba en pappa ooievaar sit in die nes. Die baba ooievaar huil verskriklik en die pappa probeer troos: “Toemaar toemaar jong, mamma is nou terug, sy het net ‘n paar mama’s en pappas gaan gelukkig maak”
Die volgende dag is dit die pappa ooievaar se beurt om babas te gaan aflewer en weer huil baba ooievaartjie verskriklik. “Toemaar” toemaar, troos mamma ooievaar, “pappa het net ‘n paar mama’s en pappas gaan bly maak met hulle nuwe babatjies wat hy gaan aflewer het jong”

‘n Paar dae later is mamma en pappa ooievaar desperaat aan die soek na baba ooievaar. Net voor sonop kom hy by die nes aan: “Waar was jy die hele nag”, raas ma ooievaar met hom.
“Toemaar toemaar ma, ek het net gou ‘n paar studente goed gaan skrik maak”