Vir daardie hoesie in die kerk

KerkJulle onthou die klein, erg Afrikaanse plattelandse dorpies waar niemand mooi Engels verstaan het nie. In so ’n dorpie is die Dominee een oggend na die erediens erg ontsteld want almal hoes van winter verkoues en dit saam met die geraas van die reën maak dat hy sy boodskap vir die week moet uitbulder en verder is dit heeltemal te veel van ’n heiligheid om onderbreek te word deur sondige mense se hoesbuie.  Sy erg Engelse koster neem die dominee se stryd ter harte en gaan koop ’n lekker groot bottel hoesstroop by die apteek op die dorp en die volgende Sondag is hy reg om enige sondige siekte te help.  Soos enige klein plattelandse dorpie maar is hoor die lidmate via die skindernuus dat die dominee graag on onderbroke sy boodskap wil aan die gemeente wil lewer en dat die koster ’n plan het daarom so te laat geskied.   Elke keer as een van die erg Afrikaanse lidmate hoes spring hy op en gaan fluister iets in Engels, want Afrikaans is hy nie magtig nie, in die sondige sieke sê oor.  Die lidmaat lyk dan effens bedees en staan op en loop uit die kerk en so gaan dit aan tot die kerk amper leeg is want die verkoue loop sterk deur die gemeente.

Na diens is die dominee nogal ontsteld want hy het ’n goeie boodskap gehad vir sy skape en daar was maar min wat die hele boodskap gekry het.  Hy vra toe vir die koster “James, what you said to the flock brother’? Die koster antwoord verontwaardig “FOR COUGH”

Verwant:

Is sy n maand laat?

Pregnant VerwagtendMet die instap omhels die jong getroude vrou haar man en erg opgewonde sê sy “Skat, ek het goeie nuus, ek is ’n maand laat, jy gaan pa word.  Ek was vandag by Dr. Jannie Brink en hy het dit bevestig maar gesê ons moet maar eers stilbly tot op 14 weke want dinge kan soms verkeerd loop.”  So gesê so gedaan en die 2 kom ooreen daarom vir eers stil te hou.
Die volgende dag lui die egpaar se voordeur klokkie en met die oopmaak staan ’n Elektrisiteitsmaatskappy- invorderaar op die drumpel “Is u mevrou Smuts? U is ’n maand laat weet u dit?”
“Hoe, hoe weet u dit?” stotter sy verleë. “Wel, mevrou ons monitor alles elektronies en dit wys op ons rekenaar stelsel dat u ’n maand laat is”
Die aand vertel sy haar man en oor die ly aan ‘vervolgings sindroom’ storm hy die volgende oggend by die naaste Elektrisiteitsmaatskappy kantoor in.
“Hoe weet julle my vrou is ’n maand laat!” bulder hy op die ontvangsklerk., “en watter nonsens is dit dat julle alles monitor”
“Bly net kalm meneer” keer die klerk, “al wat u moet doen, is om ons te betaal meneer”
“Betaal? En as ek weier om dit te doen?”
“Wel, meneer dan is die enigste opsie afsny”
“O donner en wat van my vrou?”
“Wel, meneer sy kan seker maar ’n kers gebruik”

Verwant:

Kaal swem in die plaasdam

Naak SwemOom Koos besit sy plasie nou al vir donkiejare en hy self is ook nie meer vandag se kind nie, maar darem nie so oud dat hy al ‘koud’ is nie.
Agter die bloekoms het hy destyds vir sy kinders die plaasdam in ‘n swemplek omskep en ook lekker ingerig vir saam kuier. Daar is ’n piekniek tafel, braaigeriewe en lekker vrugtebome. Een aand, so skemer se kant, besluit Oom Koos, in sy eensaamheid, om bietjie daar by die dam te gaan sit en al die goeie tyde te onthou. Hy neem toe ook ‘n emmer saam om ‘n paar van die vrugte terug te neem huis toe. Soos wat hy aangestap kom, hoor hy vroulike stemme vrolik gesels en giggel. Hy val plat agter ‘n bloekom boom en loer deur die takke om te sien wat aangaan. Tot skok van sy swak hart sien hy ‘n groep kaal meisies wat in die dam swem.

Hy staan toe maar op en stap nader om die meisies te groet en te laat weet hulle betree eintlik ‘n ander man se private eiendom. Toe hulle hom sien, sak hulle almal laag af in die water sodat dit kompleet lyk asof daar net ’n klomp vroumens koppe op die water dryf, natuurlik sodat die water die nodige bedek.

Een van die meisies skreeu benoud op die oom:
‘Ons klim nie uit voor oom nie loop nie!’
‘Nee, nee, bedaar niggie’ antwoord hy rustig ‘ek is nie hier om te kyk hoe die spulletjie van julle kaal swem of om julle te dwing om uit te klim nie’
Hy hou die emmer omhoog en sê: ‘Ek’s net gou hier om die krokodil kos te gee…’

Verwant: